Жаңалықтарды Telegram арнамыздан оқыңыз!Атмосфералық фронттардың өтуіне байланысты 12 шілдеде Қазақстанның басым аймақтарында тұрақсыз ауа райы сақталады, жаңбыр күтіледі, найзағай болады, желдің күшеюі, бұршақ болуы мүмкін, солтүстікте түнде және таңертең тұман болады. Республиканың оңтүстік-батысында шаңды дауыл күтіледі.
Солтүстік Қазақстан облысында түнде кей жерде жел 15-20 м/с, күндіз басым бөлігінде жел 15-20, екпіні 23 м/с күшейеді, жекелеген аудандарда бұршақ болуы мүмкін, түнде және таңертең тұман болады. Жамбыл облысының кей жерінде желдің күші 15-20 м/с, таңертең және күндіз екпіні 23-28 м/с күшейеді, бұршақ болуы мүмкін. Қостанай, Қарағанды, Павлодар облыстарының кей жерінде желдің күші 15-20 м/с күшейеді, бұршақ болуы мүмкін.
Ақмола, Ақтөбе, Шығыс-Қазақстан облыстарының кей жерінде желдің күшеюі 15-20 м/с болып, күндіз бұршақ жаууы мүмкін. Кызылорда облысында күндіз кей жерінде жел 15-20 м/с күшейіп, бұршақ жаууы мүмкін. Оңтүстік-Қазақстан, күндіз Маңғыстау, Атырау облыстарының кей жерінде жел 15-20 м/с, Маңғыстау облысында шаңды дауылмен бірге күшеюі күтіледі.
Күндіз Алматы, кей жерлерде Жамбыл, Қарағанды облыстарында қатты ыстық күтіледі. Атырау, Қызылорда, Оңтүстік-Қазақстан, кей жерде Батыс-Қазақстан, Ақтөбе, Қарағанды, Қостанай, Алматы, Жамбыл облыстарының кей жерінде өте жоғары өрт қаупі сақталады.
Астана қ: көшпелі бұлтты, кей уақыттарда жаңбыр жауады, найзағай болады, күндіз бұршақ жаууы мүмкін. Жел солтүстік-шығыстан соғады, күші 9-14, күндіз 15-20 м/с. Ауаның температурасы түнде 13-15, күндіз 22-24 градус жылы болады.
Алматы қ: көшпелі бұлтты, жауын-шашынсыз. Желдің күші 0-5 м/с. Ауаның температурасы түнде 20-22, күндіз 31-33 жылы болады.
