Жаңалықтарды Telegram арнамыздан оқыңыз!30 қазан, жексенбі, 2016
Бүгін – Әлеуметтік қорғау жүйесі қызметкерлерінің күні
Әлеуметтік қорғау жүйесі қызметкерлерінің күні – жұмыстары тікелей азаматтарды қолдау және оларға көмек көрсетумен байланысты адамдардың мерекесі. Әлеуметтік қызметкерлердің қолдауының арқасында өмірлік қиын жағдайға тап болған адамдар қиыншылықтарды жеңеді.
Қазақстан Республикасы Президентінің 2011 жылғы 20 қазандағы Жарлығымен Әлеуметтік қорғау жүйесі қызметкерлерінің күні бекітілді. Бұл Елбасының қарттарға қызмет ететін, мүгедектерге, аз қамтамасыз етілген азаматтарға және көп балалы отбасыларға таптырмас қол ұшын беретін азаматтарды құрметтеуі мен қамқорлығы болып табылады.
ЕСТЕ ҚАЛАР ОҚИҒАЛАР
24 жыл бұрын (1992) Қазақстанда Түркияның мәдени күндері өтті.
17 жыл бұрын (1999) Алматы облысының Қарасай ауданына қарасты Қарғалы ауылындағы орта мектепке және бір көшеге жазушы Ғабиден Мұстафиннің есімі берілді.
10 жыл бұрын (2006) Астанада «Digital Kazakhstan» («Цифровой Казахстан») журналының бірінші саны жарық көрді.
3 жыл бұрын (2013) Астанада аффинажды зауыт салынды.
3 жыл бұрын (2013) Алматыда «Адам және дәрі - Қазақстан» VI Халықаралық конгресі ашылды. Оған Қазақстан, Ресей, Украина және Түркия ғалымдары қатысты.
109 жыл бұрын (1907) орыс физигі Б. Розинг 25 шілдеде берген өтініміне сәйкес «Қашықтықта бейнелерді электрлік беру тәсілі» жұмысына №18076 патентін алды.
55 жыл бұрын (1961) КСРО әлем тарихындағы ең қуатты бомбаны жарды. 58-мегатонналық сутекті бомба («Царь-бомба») Новая Земля аралындағы полигонда жарылды
ЕСІМДЕР
82 жыл бұрын (1934) суретші, монументалист, КСРО Суретшілер одағының мүшесі Марат Ғазизоллаұлы ЖАҚЫБАЛИЕВ дүниеге келді.
77 жыл бұрын (1939) актриса, Қазақстанның Еңбек сіңірген әртісі Рымкеш ОМАРХАНОВА дүниеге келді.
76 жыл бұрын (1940) Экономика ғылымдарының докторы, профессор, Қазақстан Республикасының әлеуметтік ғылымдар Академиясының және Халықаралық Академиясының академигі Қуанышбай Рақышұлы НҰРМАҒАНБЕТОВ дүниеге келді.
65 жыл бұрын (1951) экономика ғылымдарының кандидаты, профессор Серік Ахметжанұлы АХАНОВ дүниеге келді. Петропавл қаласында туған.
61 жыл бұрын (1955) ҚР Парламенті Сенатының Ақмола облысы бойынша депутаты, Әлеуметтік-мәдени даму комитетінің мүшесі Жабал Ерғалұлы ЕРҒАЛИЕВ дүниеге келді.
275 жыл бұрын (1741-1807) швейцарлық суретші Ангелика КАУФМАН дүниеге келді.
195 жыл бұрын (1821-1881) орыс жазушысы Федор Михайлович ДОСТОЕВСКИЙ дүниеге келді.
121 жыл бұрын (1895-1973) американдық кардиолог, Нобель сыйлығының лауреаты Дикинсон Вудраф РИЧАРДС дүниеге келді.
79 жыл бұрын (1937) француз кинорежиссері, сценарист, оператор, актер, продюсер Клод ЛЕЛУШ дүниеге келді.
56 жыл бұрын (1960) аргентиналық футболшы, әлемдік футбол жұлдызы Диего МАРАДОНА дүниеге келді.
