Қазақстандықтар Жаңа жылда төрт күн демалады

«Қазақстан Республикасының мерекелері туралы» ҚР заңына сәйкес, қазақстандықтар Тәуелсіздік мейрамы кезінде 16-17 желтоқсанда, ал Жаңа жылда қаңтардың 1-нен 4-не дейін демалады.

Жаңажылдық мереке күндері 1 мен 2-қаңтар. Дегенмен, 2 қаңтар сенбіге түсіп тұрғандықтан қазақстандықтар тағы дүйсенбіде, сол айдың 4-де де демалады.

«ҚР ұлттық және мемлекеттік мерекелер деп белгіленген күндер  еңбек заңнамасына сәйкес мерекелік күндер. ҚР мерекелік күндері жұмыс емес күндер болып есептеледі. Егер мейрам аптаның демалыс күндерімен сәйкес келсе, содан кейінгі күн мерекелік күн болып есептеледі» делінеді заңнамада.