Аслан Сәрінжіпов Президенттік олимпиаданың жеңімпаздарымен кездесті

Кездесу және олимпиаданың өзі де Тұңғыш Президент күні және Қазақстан Республикасының Тәуелсіздік күні мерекесі аясында өткізіліп отыр.

Министрмен сұхбаттасуға 50-ге жуық оқушы қатысты. Олар 2015 жылдың 30 қазан мен 26 қараша аралығында өткен жаратылыстану-математикалық бағыттағы пәндерден Президенттік олимпиаданың жүлдегерлері.

Олимпиаданың негізгі идеясы – жоғары білімді қазақстандық оқушыларды тәрбиелеу және жаратылыстану-математика ғылымдарын терең меңгерту.

Олимпиада сегізінші рет өткізіліп отыр. Әдеттегідей, 2015 жылғы олимпиада үш кезеңде өтті.

Бірінші – аймақтық кезеңде 1 мың 24 мектептен барлығы 2 мың 40 мектеп бітіруші қатысты. (517-і мамандандырылған, 536-і ауылдық мектептерден). Екінші кезеңде республиканың барлық өңірлерінен 329 оқушы on-line режимінде тестілеуге қатысып,  жоғары ұпай жинаған 165 оқушы эссе жазды.

Үшінші кезең – республикалық, ол 2 тур бойынша 4 бағытта: математика, химия, физика и биологиядан өтті.

«Жыл сайын зияткерлік республикалық жарыстарға 9-11 сыныптардың  2000-нан астам оқушылары қатысады. Бүгінде қазақстандық оқушылардың аттарын беделді халықаралық олимпиадалар мен конкурстардың жеңімпаздары қатарынан жиі көруге болады»,-делінген Білім және ғылым министрлігінің баспасөз қызметі таратқан мәліметтерде.

Биылғы жылдың, 1 қарашасында, еліміздің оқушылары халықаралық олимпиадалар мен ғылыми жарыстарда 1 мың 246 медальді жеңіп алды. Оның 270-і –алтын,  360-і -күміс, 596-і қола, сондай-ақ  20 грамота бар.