Дубайда қазақтың ұлттық зергерлік бұйымдарының көрмесі өтті

Дубайда «Ұрпақпен асыл байланыс» атты қазақтың ұлттық зергерлік бұйымдарының көрмесі ашылды, деп хабарлайды inform.kz.

Мақсаты - Әмірлік тұрғындарын қазақтың ұлттық киімдерімен, әшекей бұйымдарымен, ұлттық тағамдарымен таныстыру.

Шараға Қазақстанның Дубайдағы Бас консулы Арман Исағалиев, қазақстандық студенттер мен шетелдік қонақтар және БАҚ өкілдері қатысты.

Сондай-ақ, көрме аясында «Қазақ ұлттық зергерлік бұйымдарының мән-мағынасы» атты шеберлік сабағы ұйымдастырылды.