Қорғалжын автожолында көлік қозғалысы шектеледі

Жолаушылар көлігі және автомобиль жолдары басқармасы хабарлағандай, Астана қаласында 2015 жылдың 14 сәуірінде сағат 20:00-де Қорғалжын тасжолының Ш. Бейсеков көшесінен Ильинка тұрғын алабы бағытындағы жолда көлік қозғалысы қарама-қарсы жолаққа ауыстырылады, деп хабарлайды Астана әкімдігі сайты.

Көлік қозғалысы жол құрылысы жұмыстарына орай жабылады.

Басқарма көлік иелеріне кептелісті болдырмау үшін өз бағыттарын алдын ала болжауға кеңес береді.

Жүргізушілердің қауіпсіздігі үшін жол жабылған жерде арнайы белгілер орнатылатын болады.