Коммуналдық қызмет атынан sms-код сұрағандарға сенбеңіз!

Алаяқтардан айла артылар емес! Кейінгі кезде олар өздерін жылу қызметінің мамандары ретінде таныстырып, тұрғындарға қоңырау шалып жатыр. Әккілер «жылу есептегішін тіркеу керек», «құжаттарыңызды жаңарту қажет», «берешегіңіз бар» деп, телефонға келген SMS-кодты сұрайды. Сол арқылы олар банк қосымшасына кіруге, мемлекеттік сервистердегі аккаунттарға қол жеткізуі ықтимал. Сондай-ақ сіздің атыңыздан заңсыз әрекеттер жасауы мүмкін. Құзырлы органдар мұндай кодты ешкімге айтуға болмайтынын ескертеді. Себебі коммуналдық қызмет өкілдері тұрғындардан телефон арқылы SMS-кодты сұрамайды.