«Арай» тобының жігіттері «Әскердегі бір күн» акциясына қатысты

Алматы облысы Қапшағай қаласындағы 32363 әскери бөлімінде «Әскердегі бір күн» акциясы өтті. Акцияға «Арай» тобының жігіттері қатысты.

Акцияның мақсатына сәйкес танымал топ әскери қызметкер ретінде бір күнін өткізді. Сондай-ақ, әншілер әскери қызметкердің әдеттегі күні қалай өтетінімен, қандай міндеттер атқаратынымен, әскери қызметтің қиыншылықтарымен, ең бастысы оның артықшылығымен танысты.

«Арай» тобының солистері әскери қызметкерлермен бірге жауынгерлік міндеттер атқарып, саптық даярлықтан өтті, өздеріне ең күрделі болған тапсырманы орындап – 100 метр қашықтыққа қарудан оқ атты.

Акцияның қорытындысы бойынша, әртістер дипломдармен марапатталды, деп хабарлайды Қорғаныс министрлігінің ресми сайты.