Астанада Көз аурулары қазақ ғылыми-зерттеу институты филиалының жаңа ғимараты ашылады

Көз аурулары қазақ ғылыми-зерттеу институты – 80 жылдық тарихы бар еліміздің бас офтальмологиялық орталығы. Институттың елордадағы филиалы 4 жылдан бері Астана қаласы тұрғындарына және елордаға жақын орналасқан 7 аймаққа тегін медициналық көмектің кепілдік берілген көлемі шеңберінде жоғары мамандандырылған офтальмологиялық көмекпен қамтамасыз етуде. Жыл сайын филиал еліміздің солтүстік өңірінен келген 500 адамға жоғары білікті көмек көрсетеді.

Жаңа ғимаратқа қоныс аударуға байланысты ҚазақКАҒЗИ Астана бөлімшесі емдеу-диагностикалық және жаңа технологияларды енгізу арқылы күрделі ота жасауға қол жеткізіп отыр. Астанадағы филиалға 400 млн теңгенің заманауи қондырғылары сатып алынды.

Фото: astana.gov.kz