Алматыда «Жер ғаламшары жүгіреді» атты флешмоб өтеді

Шара 7 қаңтар күні сағат 08.30-да  Тұңғыш Президент саябағынан бастау алады.

Оған қазақ спортының аты аңызға айналған тұлғалары қатысады.

Олардың арасында бокстан КСРО-ның Еңбек сіңірген спорт шебері, бокстан Еуропаның екі дүркін, КСРО-ның үш дүркін чемпионы Серік Нұрқазов, әлемнің ірі шөл далаларын жалғыз жүгіріп өтіп, 7 рет Гиннестің  рекордтар кітабын жаңартқан марафоншы Марат Жыланбаев, дүниежүзінің 14 биік шыңын бағындырған альпинист, спорт шебері Мақсұт Жұмаев, бокстан ҚР Еңбек сіңірген бапкері, триатлоннан Қазақстанның әуесқойлар федерациясының президенті Мұратхан Тоқмәди мен дзюдодан халықаралық дәрежедегі спорт шебері, КСРО чемпионы Нұридин Даузов бар.