«Ақылды қала» жобасы елорданы жарықтандыруға жұмсалатын шығынның 40 пайызын үнемдейді

Астанада «ақылды қала» жобасын енгізу көлік кептелісін 25 пайызға, ал жарықтандыруға жұмсалатын шығындарды 40 пайызға азайтуға мүмкіндік береді, деді Ресейде және ТМД елдерінде бизнесті дамыту жөніндегі Cisco компаниясының директоры Лев Левин.

Оның айтуынша, «ақылды қала» жобасы аясында бірыңғай қалалық инфрақұрылым құрылып, қала тұрғындарына қызметтердің кең спектрі ұсынылады, соның ішінде «Зияткерлік көлік жүйесі», «Ақылды тұрақ», «Ақылды жарықтандыру».

Айта кету керек, «Smart Astana» жобасы елордада 2013 жылдан бері жүзеге асырылып келеді. Бүгінгі таңда қалада тіршілік әрекетін кешенді қамтамасыз ету жүйесі іске қосылып, «Е-жедел жәрдем» жобасы жүзеге асырылуда. WI-FI сымсыз интернетке еркін ену аймақтары жасалды.