Бітімгершілік оқу-жаттығуына 150 әскери қызметші қатысуда

Германияда өтіп жатқан «Дала қыраны-2014» тактикалық-арнайы бітімгершілік оқу-жаттығуына 150 әскери қызметші қатысуда. Бұл туралы Қорғаныс министрлігінің баспасөз қызметінен хабарланды

«Дала қыраны-2014» оқу-жаттығуының басты мақсаты - бітімгершілік бөлімшелерінің НАТО-ға қатысушы елдер әскери контингенттерімен үйлесімділігі мен өзара іс-қимылын пысықтау.

12-ші рет өтіп жатқан «Дала қыраны» оқу-жаттығуына Тәжікстан, Қырғыз Республикасы, АҚШ, Германия мен Ұлыбритания қатысуда.

Бұл бітімгершілік оқу-жаттығуы тұңғыш рет 2003 жылы ҚР ҚК Аэроұтқыр әскерлерінің «Іле» оқу-жаттығу орталығында өткізілген болатын.

Сурет: strategy2050.kz