Күзгі әскер қатарына шақыру басталды

Бүгін Қазақстан Қарулы Күштерінің бөлімдерін жас буынмен жасақтау бойынша медициналық және әскерге шақыру комиссиялары жұмысын бастады, деп хабарлайды Қорғаныс министрлігі.

Күзгі әскер қатарына шақыру «Әскери қызмет және әскери қызметшілердің мәртебесі туралы» Заңға және Мемлекет басшысының ҚР азаматтарын 2014 жылғы сәуір-маусым және қазан-желтоқсанда мерзімді әскери қызметке кезекті шақыру туралы Жарлығына сәйкес жүргізіледі.

«Биылғы күзде ҚР Қарулы Күштерінің қатарына 12 мыңнан астам жасты әскерге шақыру жоспарланған. Әскери бөлімдерге іріктеу және бөліп тарату кезінде жастардың әскер қатарына шақырылғанға дейінгі мамандықтары ескерілетін болады»,- деп жазады министрліктің ресми сайты.