Жаңалықтарды Telegram арнамыздан оқыңыз!М.Әуезов атындағы академиялық драма театр актерлері қазақ театр өнері тарихында тұңғыш рет «Сұлтан Бейбарыс» спектаклін көпшілікке ағылшын тілінде ұсынды. Тарихи қойылым таяуда Беларусьтың Брест қаласында өтетін «Белая вежа» халықаралық театр фестиваліне жол тартпақ.
Театр директоры және көркемдәк жетекшісі Еркін Жусабек: «Әрине, спектакльді аудармамен, ілеспе аудармамен де көрсетуге болады. Дегенмен, бұл біздің алғашқы қадамымыз. Актерлер үлкен ыждаһаттылықпен жұмыс істеді»,-дейді.
Әрине, әртістер үшін тілді меңгеру оңай болмағаны анық. Алдымен, бірнеше ай Абылай хан атындағы әлем тілдері университетінің ұстаздары актерлерге дәріс беріпті.
Рақымжан Отарбаевтың осынау шығармасы ағылшын тіліне аударылған. Ұлтымыздың терең тарихы жатқан туындының жалаң аударма болып қалмай, көркемдік деңгейінің жоғары болуына да көңіл бөлінген.
Театр актеры Еркебұлан Дайыр: «Қазақ халқының қандай талантты екенін, басқа тілде де ойнай алатынын көрсету керек»,- дейді.
Тосын жаңалықты тосырқамай қабылдайтын ойлы көрерменге «Таңшолпанның» айтары мол.
