Бразилия құрамасы Нидерланд командасына есе жіберді

Бразилия құрамасы футболдан Әлем чемпионатының қола жүлдесіне қол жеткізе алмады. Үшінші орын үшін өткен кездесуде турнир қожайындары Нидерланд командасына 0-3 есебімен есе жіберді.

Есепті ойынның үшінші минутында Робин ван Перси ашты. 11 минуттан кейін Дейли Блинд Бразилия қақпасына тағы бір доп соқты. Екінші таймның соңында Жоржиньо Вейналдум кездесудегі үшінші және соңғы голдың авторы атанды.

Әлем чемпионатының соңғы матчында Германия және Аргентина құрамалары кездеседі.