Ханой түбінде әскери тікұшақ апатқа ұшырап, 16 адам қаза тапты

Вьетнам астанасының маңында ресейлік өндіріс шығарған Ми-171 әскери тікұшағы апатқа ұшырады, деп мәлімдеді ҚазАқпарат.  Тікұшақ жаттығуларға қатысып жатқан парашютшілерді тасымалдап жүрген болатын.

РБК-нің хабарлауынша, тікұшақ түгел жанып кеткен. Ресми мәліметтерге қарағанда, 16 адам қаза болып, 5-уі жараланды. Бортында  Вьетнам армиясының 916-полкының барлығы 21 әскери қызметшісі болған.

Ми-171 әскери-тасымал тікұшағы Ми-8 тікұшағының  экспортқа ыңғайланған модельдерінің бірі. Оның міндеті - десанттарды, барлау операцияларын, торуылдауды тасымалдау және жедел түсіру.

Сондай-ақ, Ми-171-ді  құтқару операцияларын жүргізу үшін сатып алады. Бұл техника әлемнің көптеген елдеріне, соның ішінде Қытайға, Бразилияға, Суданға, Чехияға, Хорватияға жеткізілген.

Улfн-Удэдегі авиация зауыты шығарған төрт Ми-171 тікұшағы 2005 жылы Вьетнамға сатылды. Сол кезде Вьетнам қорғаныс министрлігі оның сапасына ризашылығын білдірген және жаңа жеткізілімдер жөнінде уағдаласқан болатын.