Басты Жаңалықтар Қырғыз үкіметі отставкаға кетті

Қырғыз үкіметі отставкаға кетті

10.05.2014 05:35

Қырғыз Республикасының президенті Алмазбек Атамбаев үкіметті отставкаға жіберу туралы жарлық шығарды, деп хабарлайды «Азаттық». 18 наурызда «Ата-Мекен» партиясы басқарушы коалиция құрамынан шығатындарын мәлімдеген.

Заң бойынша, 2012 жылдың қыркүйегінен бері премьер-министр қызметінде болған Жантөрө Сатыбалдиев пен оның үкіметі отставкаға кетуі тиіс.

«Ата-Мекен» партиясының жетекшісі Өмірбек Текебаев премьер-министр Жантөрө Сатыбалдиев туралы «былтыр ірі қылмыскер түрмеден босатылып, кейін елден қашып кеткеннен соң үкіметті басқаруға моральдық құқығы қалмады» деген.

Сонымен қатар, «Ата-Мекен» партиясы үкімет басшысын «Қырғыз Республикасы өз үлесін арттыруды көздеп, «Құмтөр» алтын кенішінің мәселесін де шеше алмады» деп те айыптаған.

Таратылған үкімет мүшелері жаңа үкімет жасақталғанша қызметін жалғастыра береді.

Бөлісу