Басты Жаңалықтар Парижде көлік қозғалысы шектеледі

Парижде көлік қозғалысы шектеледі

17.03.2014 10:26

Бүгіннен бастап Франция астанасы Парижде жергілікті билік жеке көліктердің қозғалысына шектеу енгізді. Бұл шешім қаланы қою түтіннің басуына байланысты соңғы 20 жылдың ішінде алғаш рет қабылданып отыр. Зиянды заттардың шоғырлануы қалыпты жағдайдан екі есеге артып кеткен.

Жолға шығатындардың құқығын көлік нөмір бойынша анықтайды. Жұп күні жұп нөмірлі, ал тақ күні тақ нөмірлі көліктер жүре алады.

Алайда полицияға жаңа ережелердің орындалуын бақылау үлкен мәселе болмақ. Өйткені, тұрғындардың көпшілігі бұл ереженің орындалуына күмәнмен қарайды.

Жүргізішілерге көлікті үйлерінде қалдыру үшін жұмадан бастап қоғамдық көлік тегін қызмет көрсетуде. Әзірге шектеу шараларының қанша уақытқа дейін созылатыныны белгісіз.

Бұл шектеудің полиция, өрт сөндіруші, жедел жәрдем және техникалық қызмет көліктеріне қатысы жоқ.

Бөлісу