Басты Жаңалықтар 1, 5, 10, 20 теңгелік монеталардың материалдары өзгерді

1, 5, 10, 20 теңгелік монеталардың материалдары өзгерді

04.03.2014 04:25

Қазақстан Республикасы Ұлттық банкі 2013 жылы соғылған, номиналы 1, 5, 10, 20 теңгелік монеталарды дайындауға қолданылатын материалдардың өзгергенін хабарлайды.

Бұған соңғы жылдары Ұлттық валюта монеталарының өндірісінде пайдаланылатын металдар құнының өскендігі себеп болып отыр. Сондықтан, монеталардың өзіндік құнын төмендету мақсатында монеталар дайындауда мыс-никель қоспасымен гальваникалық қапталған көміртекті болат қолданыла бастады.

Мұндай материалдардан дайындалған монеталардың өлшемдері бірдей: салмағы мен диаметрі сәйкес келеді. 1,5 және 10 теңгелік монеталардың түсі сары, ал 20 теңгелік монеталар 2013 жылға дейін соғылған монеталар сияқты ақ түсті.

«2013 жылға дейін айналымға шығарылған монеталар және болатты қолдана отырып жасалған монеталар заңды төлем құралы болып табылады және ақша төлемі мен аударымының барлық түрлерінде қабылдануға міндетті», - деп хабарлайды Қазақстан Республикасы Ұлттық Банкінің Ұйымдастыру жұмысы, сыртқы және қоғамдық байланыстар департаменті.

Бөлісу