Жаңалықтарды Telegram арнамыздан оқыңыз!WBA және IBO тұжырымдары бойынша әлем чемпионы Геннадий Головкин «Алтын глобус» киножүлдесін тапсыру рәсімінде болып, Голливудтың атақты актерлерімен танысты, деп хабарлайды Vesti.kz.
Марапаттау 13-ші қаңтар күні Беверли-хилзде өтті. Салтанатты шарадан соң Головкиннің промоутері Том Леффлер өзінің твиттердегі аккаунтында осы жиында түскен суреттерін жариялады.
Геннадий Головкин «Оскар» сыйлығының иегері Том Хэнкспен, Мэтт Дэймонмен және Майкл Дугласпен суретке түскен.
Бұдан басқа, Головкин боксшы Владимир Кличко мен оның қалыңдығы, америкалық актриса Хайден Панеттьеримен кездесті.
Естеріңізге сала кетсек, WBA және IBO тұжырымдары бойынша әлем чемпионы Геннадий Головкин 1-ші ақпанда, Монте-Карлода ганалық Осуману Адамамен жекпе-жекке шығады. Бұл - қазақстандық боксшының 2014-ші жылғы бірінші кездесуі.
&mh_tags=Qazaqstan&mh_page=https://qazaqstan.tv/news/83468/){kind=small}
