Отбасылық дәрігерлік амбулатория ашылды
Шығыс Қазақстан облысының Үржар ауданындағы Бестерек ауылында жаңа отбасылық дәрігерлік амбулатория пайдалануға берілді. Нысанның құрылысы былтыр көктемде басталып, қараша айында аяқталған болатын.
Жұмсалған қаражат көлемі 142 миллион теңге. Бүгінде Бестерек ауылдық округінде жалпы саны 3 мыңға жуық тұрғын бар. Олар осы күнге дейін аудан орталығына барып ем қабылдайтын.
Енді Ер Қабанбай, Қазымбет және Бестерек ауылының халқына медициналық қызмет осы амбулаторияда көрсетіледі. Заманауи медициналық құралдармен жабдықталған жаңа емдеу мекемесінде барлығы 14 адам жұмыс істейді. Олардың біреуі жалпы практика дәрігері, 7 медбике және 6 орташа медициналық қызметші.
Марина Сергиенко, дәрігер:
«Дипломмен ауылға» бағдарламасы бойынша осында жұмысқа жіберді. Бастапқы уақытта біраз қорқыныш сезімі болған, бірақ үйреніп кеттім. Міне, енді жаңа мекемеде отырамыз. Баспана мәселесі де шешілді, осы ауылдан үй алдым. Өте қуаныштымын.
Берік КӨШЕРБАЕВ
Сондай-ақ оқыңыз
Барлығы
«Каспий» футбол клубы Премьер-лигада
20.10.2025, 20:33
«Қайрат» - «Пафос» ойыны алдындағы баспасөз мәслихатын өткізді
20.10.2025, 20:31
Қызылордада Республика күніне орай ауқымды жәрмеңке мен бәйгеден дүбірлі ат жарысы өтті
20.10.2025, 20:30
БҚО-да мал ұрлаған қылмыстық топ ұсталды
20.10.2025, 20:30
Сац атындағы театр алғаш рет Мәскеуде өнер көрсетті
20.10.2025, 20:29
Қазақ музыкасын зерттеген Юрий Аравин өмірден өтті
20.10.2025, 20:29