2018 жылғы Жоғары оқу орындарының үздік оқытушылары анықталды

Жыл сайын өткізілетін конкурсқа еліміздің 80 жоғары оқу орнынан 481 үміткер қатысты. Қатысушылар дәрежесі әртүрлі: ғылым магистрінен бастап, PhD докторлар, ғылым кандидаттарына дейін бақ сынасты.

Бәйге жүлдесі тек 43 университеттің 200 оқытушысына бұйырды. Жеңімпаздар әлемнің жетекші университеттерінде тағылымдамадан өтiп, біліктіліктерін арттыруға, ғылыми-зерттеу жұмыстарын жүргізуге мүмкіндік алды.

Әділет Тойбаев ҚР БҒМ Жоғары және жоғары оқу орнынан кейінгі білім департаментінің директоры:

- Басылымдарда жарық көрген мақалалар, монографиялар, әдістемеліктер  назарға алынды.

Меңдігүл Ноғайбаева, әл-Фараби атындағы Қазақ Ұлттық университеті Тарих факультетінің деканы, жеңімпаз:

- Осы байқаудың талаптарына сәйкес келетін еліміздің үздік ғалымдары мен ұстаздары осы байқаудың жеңімпаздары атанып жатқанына біз өте қуаныштымыз.

Оңғар АЛПЫСБАЙҰЛЫ