Елордада «Жұлдызды жол» интеллектуалдық олимпиадасы басталды

Елордада балғындардың мектепке дейінгі шығармашылық қабілетін шыңдауға бағытталған «Жұлдызды жол» интеллектуалдық олимпиадасы басталды.

Дәстүрлі дода биыл тоғызыншы мәрте ұйымдастырылды.

Ашылу салтанаты Астанадағы №65 «Бал бала» балабақшасында өтті. 90 тәрбиеленуші мектепалды дайындық бағдарламасы бойынша «Жұлдызды станцияларға» тоқтап, тапсырмалар орындады.

Іріктеуден өткен балғындар бүгін №63 «Әсем-ай» балабақшасында финалдық кезеңде бақ сынайды.