Туған ауылына ескерткіш орнатты

Жаңалықтарды Telegram арнамыздан оқыңыз!

Шығыс Қазақстан облысындағы Жарма ауданының Әуезов кентінде Отан соғысы ардагерлеріне арналған мемориал ашылды. Еңселі ескерткішті «Туған жерге тағзым» акциясы аясында осы елді мекеннің тумасы өз қаржатына жасатқан. Оразхан Қалиев қазір қызмет бабымен Ресейде жүрсе де, туған жерін ұмытпай, перзенттік борышын осылай өтеген екен.

«Отан соғысына қатысушыларға мәңгілік тағзым» деп аталатын мемориал-ескерткіш Әуезов кентінің орталық саябағына орнатылды. Оның салтанатты ашылуына осы аудандағы соғыс ардагерлері, облыс басшылығы және кент тұрғындары қатысты.

Ардагерлерді Жеңіс күнімен құттықтап, құрмет көрсетті. Соңынан саябақта жас көшеттер отырғызды. Бүгінде Жарма ауданында көзі тірі 19 соғыс ардагері, 730 еңбек және тыл ардагері бар.

Бикен Мақұлбаева, Әуезов кентінің тұрғыны:

Бұл - жастар үшін үлгі. Жастар, міне, қуаныштарын бөлісіп келіп жатыр. Бұл азаматқа рахмет айтамыз.

Берік КӨШЕРБАЕВ