Жаңалықтарды Telegram арнамыздан оқыңыз!«ЭКСПО-2017» халықаралық көрмесіне орай елордада Алматы облысы да мәдениет күндерін өткізуде. Салтанатты ашылуы «Жетісу – жұмақ мекенім» шарасымен басталды. Тек мәдени шараның өзіне 332 өнерпаз қатысты.
Олар қала тұрғындары мен қонақтарын әуезді әнге, күмбірлеген күйге бөледі. Бүгін Жастар сарайында Сүйінбай атындағы Алматы облыстық филармониясы мен «Құлансаз» фольклорлық-этнографиялық ансамблінің қатысуымен «Жетісу – ән-жырдың ордасы» атты дәстүрлі әндер концерті өтеді. 14 шілде күні этноауылда «Ауылың сенің іргелі» атты театрландырылған көрінісі мен дәстүрлі концерті халық назарына ұсынылады.
Ұйымдастырушылардың айтуынша, мәдениет күндері шілденің 15-не дейін жалғасады.
Индира БЕГАЙДАР
