Алматы облысында жас кәсіпкер бөдене өсіруді қолға алды

Биыл өңірге бағдарлама аясында 2,5 миллиард теңге бөлу көзделген.

Жаркенттік жас кәсіпкер Дінмұхамед Жапар бөдене өсіруді қолға алған. Былтыр жобасын қорғап, «Бизнестің жол картасы-2020» бағдарламасымен 3 миллион теңге көлемінде мемлекеттік грант жеңіп алды.

Қаражатын мыңнан астам құс сатып алуға және қажетті жабдықтарға жұмсады.

Аудан тұрғындарына бөдене жұмыртқасын ұсына бастады. Бөдененің еті де, жұмыртқасы да ағзаға пайдалы.

Алматы облысында өткен жылы 16 азамат өз кәсібін бастады. Биыл кәсіпкерлікпен айналысуға ниет білдірушілердің саны артқан.

Қуаныш ҚАНАТҰЛЫ