21 қарашада Мемлекет басшысының қатысуымен судьялардың 7 съезі өтеді

Бұл туралы Судьялар одағының төрағасы Мұсабек Әлімбеков айтты. Жиынның басты тақырыбы «Ұлт жоспары» «100 нақты қадам» аясындағы сот жүйесінің атқарған жұмысы мен жаңа Судьялар кодексі болмақ.

Айта кету керек, судьялар съезі төрт жыл сайын өткізіледі. Жалпы «Ұлт жоспарының»  бір тармағы сот жүйесіне арналып, салада күрделі реформалар жүзеге асқан. Мысалы, сот залдары 100 пайыз аудио,бейнежазба жүйесімен қамтылып, жаңа  Азаматтық іс жүргізу кодексі қабылданды.

Сондай-ақ, сот саласы бес сатыдан 3 сатылы жүйеге көшті. Нәтижесінде биыл тек 10 айда жеңілдетілген өндіріспен 348 материал қаралған. Бұл былтырғымен салыстырғанда екі есе көп.

Дулат АБИБУЛЛАЕВ