Алакөл туристік маусымға дайын ба?

Өткенде Премьер-министрдің орынбасары – Мәдениет және ақпарат министрі Аида Балаева Жетісу және Алматы облыстарына барып, Алакөл жағалауындағы жазғы туристік маусымға дайындық барысын тексерген. Ең басты мәселелер: тазалық, қауіпсіздік және халыққа сапалы қызмет көрсету. Жоңғар Алатауының баурайын, Алакөл жағалауын жайлап жатқан Ақши, Көктұмада негізі су шаю мәселесі өткір. Инфрақұрылым да жақсы емес. Ал демалыс маусымына сәл қалды.

Вице-премьердің инспекциясынан кейін Жетісу облысындағы меншікті тілші Нұрдәулет Сыздық атқарушы биліктен сұрады: дайынсыздар ма? Олар: дайындық қызу дейді.