«Silk Way Star» байқауының бесінші жарыс күнінің қорытындысы

Бесінші жарыс күні тоғыз үміткер өнер көрсету сынағынан өткен соң, тоғыз қазы әділ бағалау сынағына түсті. Нәтижесінде үміткерлердің еңбектері бағаланып, осы жарыс күнінің үздіктері анықталды.

«Silk Way Star» бәйгесінде әлемдік мюзикл музыкасын орындаған қатысушылардың үздік үштігі төмендегідей:

Кезекті жарыс күнінің жеңімпаздары – Омар мен Ефенди. Олар 47 ұпайдан жинады.  Екінші орынды 44 ұпаймен Малика иеленсе, үшінші орын Саидаға бұйырды.

Айта кетейік, «Silk Way Star» жобасында үміткерлерді бағалаудың басты ерекшелігі – бір үміткерге қойылған баға екінші мәрте қайталанбауы тиіс.

Естеріңізге сала кетейік, «Silk Way Star» халықаралық музыкалық байқауы «Qazaqstan» Ұлттық арнасынан әр сенбі сағат 21:05-те эфирге шығатын болады.