15 наурыз күні қоғамдық көлік тегін қатынайды

15 наурызда өтетін республикалық референдум күні Астанада қоғамдық көлік тегін қатынайды. Елорда әкімдігінің мәліметінше, автобустар штаттық режимде сағат 06:00-ден 23:00-ге дейін жұмыс істейді. Бұл азаматтар дауыс беру учаскелеріне еш кедергісіз жетіп, өз таңдауын жасауы үшін ұйымдастырылып отыр.

  Еске салсақ, референдум күні Орал мен Талдықорғанда және Түркістан облысының бірнеше қаласында автобустар тегін қатынайды. Атап айтсақ, Түркістан, Кентау, Шардара, Сарыағаш және Арыс тұрғындары межелеген жеріне ақы төлемей жете алады. Ал Маңғыстау облысында инватакси жұмыс істейді. Оның қызметіне 24 елді мекеннің тұрғындары жүгіне алады.