Жаңалықтарды Telegram арнамыздан оқыңыз!Лондонда Ежелгі Мысыр перғауыны Тутанхамонның мүсіні шамамен 5 миллион АҚШ долларына сатылып кетті. Аукцион Мысыр билігінің наразылығына қарамастан өткен. Ресми Каирдың мәлімдеуінше, 3000 жылдық тарихы бар туынды Карнак ғибадатханасынан ұрланып, елден 1970 жылдары заңсыз шығарылса керек.
Тарихи ескерткіштерді мемлекетке қайтару туралы белсенді науқан елде жылдар бойы жүргізіліп келеді. Сондықтан, билік көне жәдігерді саудалаған компания әрекеттерін тергеуді талап етіп отыр.
Дегенмен, Christie's аукцион үйі қола туындыны жеке коллекционерден сатып алғанын айтты. Бұған дейін ол Германия, Австрия азаматтарының мәдени құндылықтар топтамасында болған. Сондықтан компания өкілдері, «Күн құдайы Амон бейнесіндегі жас перғауынның «басына» сәйкес құжаттарды көрсете аламыз»,- деп отыр.
Жансая ҚАПАСҚЫЗЫ
