Атыраулықтардың басым бөлігі өз таңдауын жасады

Жүргізуші: Атырауда дауыс беруге құқылы азаматтардың тең жартысынан көбі өз таңдауын жасады. Қазір аймақтағы тілшіміз Нұрсұлтан Нұрсейіт сайлау учаскелерінің бірінен тікелей байланысқа қосылуға әзір. Нұрсұлтан, қазіргі ахуал қалай?

Нұрсұлтан Нұрсейіт, тілші:

Иә, Дархан, атыраулықтардың көбісі түске дейін өз таңдауларын жасады. Орталық сайлау комиссиясының 16:00-де таратқан ақпаратына сәйкес облыс тұрғындарының 63 пайызы белсенділік танытқан. Дауыс беру орындарында мүмкіндігі шектеулі жандар үшін де барлық жағдай жасалған. Бүгін олар үшін 145 инватакси және 14 сурдоаудармашы жұмыс істеді. Бүгінгі күнге байқау жұмысын жүргізетін 13 республикалық және 13 өңірлік қоғамдық бірлестік пен коммерциялық емес ұйым аккредиттеуден өткен. Жалпы учаскелерде 300-ге жуық байқаушы науқанның әділ өтуін қадағалауда.