ТМД ПА миссиясы: Дауыс беруге бар жағдай жасалған

ТМД парламентаралық ассамблеясынан құрылтай сайлауын байқауға 69 өкіл қатысып жатыр. Миссия мүшелері шараның өту барысына қатысты Халықаралық байқаушыларға және шетелдік БАҚ өкілдеріне қолғабыс көрсету орталығында баспасөз мәслихатын өткізді. Олар барлық партиялармен кездескенін, басқосу жоғары деңгейде өткенін мәлімдеді. Сонымен бірге миссия таңертеңнен бері 14 сайлау учаскесіне барған. Дауыс беруге егде жастағы азаматтармен бірге жастар да белсенді қатысып жатқаны айтылды. Ешқандай заңбұзушылық тіркелген жоқ. Байқаушылар дауыс беру учаскелеріндегі жылы атмосфера да ерекше әсер еткенін атап өтті.

Казбек Тайсаев, халықаралық байқаушы:

Бірнеше учаскеде болдық. Бірде бір заңбұзушылық тіркелген жоқ. Орталық сайлау комиссиясының жұмысын ерекше атап өткіміз келеді. Өте кәсіби команда. Сонымен бірге халықтың еркін дауыс беруіне жағдай жасалған. Адамдар жақсы оң өзгерістерді күтеді.