«KEGOС» акциялары қор нарығына шығарылды

Энергетика алпауыты Қазақстанның барлық өңірлерінен белсенді инвесторларын жинауда. Қазірдің өзінде оның акциясын иемденуге 3500 адам өтініш берген.

Үкіметтің шешімі бойынша компания қор нарығын дамыту мақсатында 26 миллионға жуық акциясын шығарыпты.

Бүгінгі күні «KEGOС» компаниясында 4700 адам жұмыс істейді. Қарауында 24 мың шақырым электр желілері мен 77 қосалқы станциялары бар. Жұмысы тоқтамайтын компанияға сенімділік жоғары, дейді компания басшылары. 

Бақытжан Қажиев, «KEGOС» АҚ басқарма төрағасы:

Электр энергиясы әрқашан мекемеге және жеке тұрғындарға қажет. Біздің қызметіміз бен тарифіміз тұрақты. Сол себепті компаниямыз тұрақты әрі сенімді деп ойлаймын.

Руслан НҰРЛАНҰЛЫ