Жаңалықтарды Telegram арнамыздан оқыңыз!Гонконгте жастар полицияның шектен тыс күш қолдануына қарсы шеру өткізіп жатыр. Демократиялық белсенділер акциясына жүздеген адам жиналған. Демонстранттар Әділет хатшысы Тереза Ченнің халық алдына шығып, тәртіп сақшыларының дөрекі әрекетін түсіндіріп беруді талап етіп жатыр. Дегенмен, осыған дейін Қауіпсіздік хатшысы оларға кез-келген заңсыз шеру мен зорлық-зомбылыққа қарсы тиісті шара қолданылатынын ескерткен.
Бейсенбі күні қала полицейлері өздерінің штаб-пәтерін қоршаған және жолдарды бөгеген манифестанттарды күшпен таратқан.
Гонконгта миллиондаған адам қатысқан митингтер айыпты деп танылған азаматтарды Қытайға экстрадициялау туралы заңға қарсы басталды. Онда жергілікті басшылықтың отставкаға кетуін талап еткен ұрандар да көтеріліп отыр.
