Сайлау учаскелерінде барлық азаматқа тең жағдай жасалған

Қарағанды облысында ерекше қажеттілігі бар 55 мыңға жуық адам бар. Сондықтан сайлау учаскелерінің барша азаматқа қолжетімді болуы – маңызды талап. №16 сайлау учаскесінде есту қабілеті төмен сайлаушылар үшін портативті индукциялық жүйе орнатылған. Құрылғы дыбысты адамның есту аппаратына тікелей жеткізіп, айналадағы шуды азайтады. Бұл сайлаушыларға комиссия мүшелерінің сөзін анық естуге мүмкіндік береді. Онымен қоса көру қабілеті нашар азаматтарға арналған тактильді жолақтар да қарастырылған. 

Салтанат Мақаева, №16 учаскелік сайлау комиссиясының төрағасы:

Таңнан бастап сайлаушылар, жақсы белсенді қатысып жатыр. Жалпы сайлау учаскесінде 1922 сайлаушы бар, оның ішінде 13 адам мүгедектігі бар сайлаушылар. Жалпы әр сайлаушыға ешқандай кедергісіз жағдай жасалынған.