Польшада мыңға жуық ұстаз шеруге шықты

Олар білім жүйесін өзгертіп, жалақыны көтеруді талап етіп отыр. Білім министрлігі ғимаратының алдына жиналған қауым елдің әр аймағынан арнайы келген. Олар транспаранттар мен плакаттар ұстап, «Білім реформасы өзгертілсін!» деп ұрандатты. Бұған дейін сәуірде жалақы мәселесі бойынша үкіметпен жүргізген келіссөздер сәтсіз аяқталған. Сондықтан ұстаздар дегендеріне жетпейінше, шерулетуден тайынбайтынын білдірді. Егер наразылық акциялары жалғасатын болса, оқушылардың емтихан тапсыру уақыты кейінге шегерілуі мүмкін.

Жансая ҚАПАСҚЫЗЫ