Ресей президенті жеке интернет қажеттігін айтты

Ресей өз интернетін жасауға әзірленуі керек. Мұны президент Владимир Путин мәлімдеді. Оның сөзінше, жеке ғаламтор Батыс Ресейді интернеттен ажыратқан жағдайда қажет болады. «Қазіргі интернетті өзгелер ойлап тапты. Олар бізге экономикалық және саяси тұрғыдан ғана емес, барлау қызметімен де зиян келтіре алады. Олар біз жүктеген ақпаратты көріп, оқып қана қоймай, тыңдай да алады», - дейді Кремль басшысы.

Мұның алдында Мемлекеттік дума депутаттары елдің ішкі істеріне шет мемлекеттердің араласуынан қорғану үшін интернетке бақылауды күшейту туралы заң жобасын қолдады.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.