Иранда «Фатех» деп аталатын жаңа сүңгуір қайық жасалды

Оны таныстыру рәсіміне ел президенті Хасан Рухани қатысты. Салмағы 600 тонна тартатын субмарина 200 метрден астам тереңдікте жүзіп, су астында 5 аптаға дейін бола алады. Ол заманауи қару-жарақпен жабдықталған: оның су астында шабуылдауға мүмкіндік беретін торпедасы, теңіз минасы, қанатты ракетасы бар.

Айта кетсек, Иран АҚШ-тың санкцияларынан кейін әскери өнеркәсібін күшейтіп отыр. Бұған дейін Ислам Республикасы радарда көрінбейтін сүңгуір қайығы мен 2000 шақырымға жететін ракеталары барын мәлімдеген болатын.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.