Солтүстік Македонияда автобус апатқа ұшырап, 13 адам қаза болды

30 адам жараланған. 50-ге жуық жұмысшы мінген жолаушылар көлігі ел астанасы Скопьеден елдің батысындағы Гостивар қаласына кетіп бара жатқанда жолдан тайып кетіп, шатқалға құлаған.

Солтүстік Македония денсаулық сақтау министрлігінің мәліметінше, госпитальге жеткізілген 30 шақты адамның біреуінің жағдайы өте ауыр. Жергілікті ақпарат құралдарының хабарлауынша, жүргізуші тірі қалған. Апаттың себебін анықтау үшін одан жауап алынады.

 Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.