Нидерланд жағалауында кемеден 270 контейнер суға құлады

Нидерланд жағалауында қатты жел соғып, кемеден 270 контейнер суға құлады. Бұл оқиға Солтүстік теңіздегі Боркум аралы маңында болған. Контейнерлердің бірталайы жоғалып кеткен. Олардың кейбірінен төгілген заттардың қатарында тегіс экранды теледидарлар, шамдар, автомобиль бөлшектері, киімдер, ойыншықтар бар. Оларды жергілікті тұрғындар жағалаудан тауып алған. Сонымен қатар, контейнерлерден шашылған химиялық зат бес аралдың маңайында суды ластаған.

Панамада тіркелген бұл көлік Еуропадағы ең үлкен кеме саналады. Өйткені, ол бір сапарда 19 мың контейнер тасымалдай алады екен.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.