Таиландтың оңтүстігінде жауын құйып, дауыл соқты

Таиландтың оңтүстігіне «Пабук» дауылы соққы бере бастады. Жауындатып соққан сұрапыл жел соңғы 30 жылдағы ең алапат штормға айналуы мүмкін. Ол туристер демалатын жерлерден өтеді деген болжам бар. Сондықтан, Ко Самуи, Ко Тао аралдарынан мыңдаған адам қашты. Саяхатшылардың айтуынша, Ко Самуида желмен бірге толқындар көтеріліп, жарық өшкен.

Айта кетсек, 1989 жылы бұл аймақта «Гай» тайфунының соққысынан 800-ден астам адам мерт болды. Алайда, жергілікті билік осы жолы табиғи апатқа төтеп беруге толық дайын екенін мәлімдеп отыр.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.