Украина: Ресейден тәуелсіз православтық шіркеудің құрылғанын жариялайтын собор 15 желтоқсанда ашылады

Украинада Ресейден тәуелсіз бірлескен православтық шіркеу құрылатынын жариялайтын собор желтоқсанның 15-де ашылады. Мұны бүгін президент Петр Порошенко мәлімдеді. Сол кеңесте жаңа шіркеудің жетекшісі сайланады. Кейін Украина шіркеуіне Стамбулдағы Дүниежүзілік патриархаттың тәуелсіздік туралы грамотасы табысталады.

Константинополь патриархаты Украина шіркеуіне бостандық беру туралы шешімді қазан айында қабылдап, қарашаның 27-29-ы күндері сол тәуелсіздіктің мәтінін бекітті.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.