Ресей әскерилері ұстаған украиналық теңізшілер 2 айға қамалды

Қырым соты Ресей тұтқындаған украиналық 24 теңізшінің 12-сін 60 күнге қамау туралы үкім шығарды. Қалғандарына қатысты шешім бүгін жарияланады. Айта кетсек, бұл жауынгерлер қарашаның 27-де Қара және Азов теңіздерін жалғастыратын Керчь бұғазында қолға түсті.

Сол күні Ресей жағалау күзетінің кемелері Украинаның катерлеріне оқ атып, оларды басып алғаны белгілі. Қақтығыс кезінде кемінде үш адам жараланған. Ресми Киев украиналық кемелер Керчтен өтетінін алдын ала ескерткенін мәлімдеп отыр. Алайда, Ресей тарапы ол катерлер елдің территориялық суларына заңсыз кірді деп есептейді.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.