Жаңалықтарды Telegram арнамыздан оқыңыз!Иранның Ахваз қаласында сенбіде болған шабуылға қатысты 22 адам тұтқындалды. Мұны осы елдің барлау министрлігі мәлімдеді. Оған сай, 22 адамның терактіге қатысқандары анықталып, олар қамауға алынған.
Бұған қоса, ұсталғандардан қару-жарақ, байланыс аппараты тәркіленді. Барлаушылар бұл заттардың 5 мүшесі бар қарулы топқа тиесілі екенін де анықтаған.
Естеріңізде болса, Ахваз қаласында сенбіде өтіп жатқан әскери шеру кезінде мінберден оқ жаудырылды. Сол шабуылдан 25 адам қаза тауып, 60-қа жуығы жараланды. Құрбандардың он екісі - Иранның революциялық сақшылары корпусының мүшелері.
Арай ТӨЛЕГЕНҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
