Жаңалықтарды Telegram арнамыздан оқыңыз!Space X компаниясының кемесімен әлемде Айға ұшатын тұңғыш туристтің есімі жарияланды. Ол - жапониялық миллиардер Юсаку Маэдзава. Илон Масктың фирмасы осы адаммен келісімшартқа қол қойған. Әзірге, Маэдзаваның бұл сапар үшін қанша ақша төлейтіні белгісіз. Бір анығы - ол өзімен бірге ғарышта саяхаттауға 8 әртісті шақырмақ.
Бұрын барабаншы болып, кейін интернетте сәнді киім сатумен айналысқан магнат Жердің табиғи серігіне 2023 жылы аттанады. 4-5 күн ішінде ол Айды айналып өтіп, ғарышқа тереңдей еніп, Жерге қайта оралады.
Тарихта Айға 24 адам барған екен. Солардың ең соңғысы 1972 жылы ұшыпты.
Арай ТӨЛЕГЕНҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
