Қытайға «Бариджат» тайфуны соққы берді

Дауыл Гуандун провинциясына секундына 24 метр жылдамдықпен соққан жел мен күшті нөсер әкелген. Мұндай дауыл Қытайда биыл 23-ші мәрте болып отыр.

Көптеген жерлерде «Бариджатпен» күреске кешеден бері дайындық жүрді. Гуандунда 34 кеме мен 5 құтқару ұшағы төтенше жағдайлар кезінде пайдалануға әзір тұр.

Жазықта орналасқан үйлерден 12 мыңдай тұрғын қауіпсіз жерге көшірілген. Балық аулау кемелері, 11 мыңнан астам балықшы және теңіздегі операциялардың 32 мыңдай жұмысшысы портқа кері шақырылды.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.