Нигерияда танкер жарылып, 35 адам қаза тапты

Нигерияда газ танкері жарылғанда 35 адам қаза тауып, жүздегені жараланды. Оқиға Батыс Африкадағы елдің Насарава штатында болған. Жарылыстан кейін лезде өрт тұтанған. Жапа шеккендер дереу ауруханаға жеткізілді. Төтенше жағдайларды басқару агенттігінің дерегінше, танкер Лафия-Макурди жолы бойындағы жанар-жағармай бекетінде жарылған. Адамдардың көбі жарылыс жаңғырығын естіп, не болып жатқанын өз көздерімен көруге барғанда қаза тапқаны белгілі болды. Қазір жоғарыда аталған агенттік апаттың себебін анықтауға кірісті.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.