«Emirates» әуе компаниясы ұшағының 100-ге тарта жолаушысынан тұмау белгілері байқалған

Лайнер Нью-Йорктегі Джон Кеннеди әуежайына қонған кезде онда уақытша карантин жарияланды. Кейін 10 адам ауруханаға жеткізілген. Әзірге, науқастардан алынған сараптама нәтижелері шыққан жоқ. Дегенмен, олардан қызу, жөтел, лоқсу тәрізді белгілерінен-ақ алдын ала тұмау диагнозы қойылды. Дәрігерлердің сөзінше, 10 адамның барлығының жағдайы қазір жақсы. Жалпы, Дубайдан келген ұшақта барлығы 521 жолаушы болған. Тұмау белгілері анықталмаған адамдар үйлеріне жіберіліп, қандай да бір жайсыздықтар сезінгенде дәрігерге қаралу туралы ескертілді.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.