Перуде пойыз апатынан шетелдік туристер жараланды

Перуде елдің ең көрнекті орны - ежелгі инктердің Мачу-Пикчу қаласына бара жатқан екі туристік пойыз соқтығысты. Шойын жолдағы апаттан 23 адам жараланған. Зардап шеккендер ауруханаға жеткізілді. Олардың көбі - шетелдік туристер. Басылымдардың мәліметінше, жергілікті тұрғындардың шеруі бірінші пойыздың қозғалысына кедергі келтіріп, жолынан қалдырған. Тоқтап тұрған пойызға сол жолмен келе жатқан екінші пойыз барып түйісті. Апат салдарынан екеуінің вагондары қатты майысқан. Қазір оқиғаға қатысты тергеу жүріп жатыр.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.